小蓮藕和兩位兔哥相處了一段日子，膽子漸大了起來。有天，乘仔仔不備，竟舉手拍打仔仔頭部。雖沒惡意（沒出爪），但此等行為始終不應被鼓勵。我立即拿起「水炮」，靜悄悄走到蓮藕身後......
蓮藕再次舉手拍打仔仔，突然，一條水柱直射蓮藕後頸。蓮藕大驚，立刻跑到我身後。我隨即收起手上水炮和臉上狡滑的笑容，問道：「蓮藕B，做乜咁驚呀？」
「喵～」
「係呀？有水炮襲擊呀？邊個射你呀？」
「喵～」
「唔知邊個呀？咁得人驚？係唔係你曳，所以被鴉烏懲罰呀？」
「喵～」
「咁你以後唔好咁曳喇，唔係又有野罰你嫁喇，知唔知呀。」
「喵～」
水炮偷襲這招似乎頗奏效，小蓮藕跟仔仔的感情甚至有所增進......
13 comments:
鴉烏咪就係...哈哈... >~<
被天譴啊~~~~
無錯！呢招（參考自rabbit.org嫁）既原意正係要貓貓以為受天譴，等佢地無人在場時都唔敢亂黎。
所以我地盡量都忍口唔鬧佢地，淨係靜雞雞噴水。好彩兩隻野都算幾乖，好少要出動水炮。
Wow, 呢張合照正呀!!!
睇黎呢個仔仔又係好友善同和順喎~
睇下對邊個啦，對兔媽就友善和順囉，對貓弟都OK啦，對我就又打又咬...... 不過有時都幾錫我既。
「...以後唔好咁曳喇,唔係又有野罰你嫁喇」
咦..罰蓮藕「嫁」俾邊個?
睇下, 個專業人士冇做校對一次之嘛, 就畀人捉到錯字喇, 係咪呢~
嫁畀仔仔或者細佬哥囉。我諗嫁畀是但一個都會嚇死個蓮藕。
哇,兔貓一齊訓,真係恨死隔籬!
傻啦, 點會咁理想, 只係個蓮藕b訓到暈左咁, 我夾硬將佢放係哥哥身邊之嘛~
不過話時話, 哥哥其實幾錫佢的~
原來係設計圖片...... 我都畀兔媽呃埋添......
不過阿蓮藕又真係成日lam仔仔，都算幾friend啦。
原來係咁,不過會lam lam都好令我羨慕了!
Post a Comment